«Ордабасы» футбол клубының шетелдік футболшылары бүгінгі демалыс күндерін пайдалы өткізді.
Алдымен футболшыларымыз «Шымқала» тарихи-мәдени кешеніне барып, одан кейін «Қазақстан Республикасының Тәуелсіздігіне 20 жыл» паркіне, Алтын көпір мен Ордабасы алаңына барды.
Содан кейін қазақ ұлттық асханасымен танысып, «Жеті Таңдыр» мейрамханасында дәмді тамақ ішті, сондай-ақ облыстық тарихи-өлкетану музейіне экскурсия жасады. Соңында біздің турды Сейітжан қари Есжанұлы атындағы үлкен мешітке сапармен аяқтадық.
Біздің мәдениетімізді көрсету біз үшін өте маңызды, себебі бұл біздің дәстүрлеріміз бен құндылықтарымызды сақтап, әлемге танытуға мүмкіндік береді 🤲
