«Ордабасы U17» Астана қаласында өтетін республикалық «Арман» турниріне қатысады.
«Арман» турнирі 15-25-ші наурыз аралығында 2008 жылғы жасөспірімдер арасында өтеді. Бұл жолдастық турнирде командамыз 5 кездесу өткізеді, қарсыластарымыз: «Жас Қыран U18», «Астана U18», «Қайрат U18», «Шахтёр U18» және «Ақтөбе U18».
«Ордабасы U18» командасының бас бапкері Бурибаев Абдухалық Құрбанбайұлы баспасөз қызметіне берген сұхбаты:
- Жалпы команда жақсы дайындықтан өтті. Кейбір футболшыларымыз жарақаттарына байланысты, бұл турнирде командамызға көмектесе алмайды. Турнир жолдастық болғандықтан, бұл жерде нәтиже маңызды емес. Бастысы жігіттеріміз ойын тәжірибесін жинап, сәуірдің ортасында басталатын QJ League турниріне дайын болу.
