«Ордабасы U15» Халықаралық турнирге қатысады.
«Ордабасы» футбол клубының 2011 жылғы командасы Хорватияның Задар қаласында өтетін халықаралық Dalmatinko Cup турниріне қатысады.
Бұл турнир Оңтүстік-Шығыс Еуропадағы ең ірі халықаралық футбол жарыстарының бірі болып табылады, онда Еуропаның үздік клубтары мен академиялары бас қосады.
Өткен маусымда біздің жасөспірімдер командаларымыз халықаралық турнирлерге қатысып, баға жетпес тәжірибе жинады. Биыл да бұл дәстүрді жалғастырып, жас футболшыларымыздың шеберлігін шыңдауға және әлемдік деңгейдегі бәсекелерде өздерін сынауға мүмкіндік беріп отырмыз.
«Ордабасы» футбол клубы жасөспірімдер футболын дамытуға ерекше көңіл бөледі және болашақ чемпиондарды тәрбиелеу жолында аянбай еңбек етуде. Dalmatinko Cup турниріне қатысу — осы бағыттағы маңызды қадамдардың бірі.
Жас футболшыларымызға сәттілік тілейміз.
